"Ҳақиқатан ҳам яхши ўйин бўлди. Пенальтидан гол ўтказиб юборганимиздан ҳафсаламиз пир бўлди. Мен умуман буни пенальти деб ўйламагандим. Шунга қарамай, жума оқшомида ўйнаганимизни ҳисобга олсак, биз ўйинга бор кучимизни бердик, кўп энергия сарфладик. Барча сафарларимизни ҳисобга олганда, ўйинчилар жуда катта куч сарфлашди ва ҳозир улар ўйинда ғалаба қозона олмаганимиздан бироз хафа бўлишлари мумкин. Лекин ҳар доим, айниқса энг юқори даражада, муҳим бўлган нарса, агар ўйинда юта олмасанг, ютқазмаслик чорасини кўр, ва биз айнан шундай қилдик. Шунинг учун биз пенальтидан норозимиз, бироқ бизда гол уриш учун бошқа имкониятлар ҳам бор эди, лекин биз бу имкониятлардан фойдалана олмадик. Шундай қилиб, биз шунчаки очкомизни олиб, уйга қайтамиз", - дея гап бошлади Брендан Роджерс.
- Бир очко ишлаганингиз, меҳмондаги ўйин яхши эканлиги ҳақида айтиб ўтдингиз. Биринчи ва иккинчи бўлим ўртасидаги фарқ нимада?
- Ҳа, Чемпионлар Лигасида меҳмонда ўйнаганингизда, агар яхши жамоага қарши ўйинда очко олсангиз, бундан хурсанд бўласиз. Рақибнинг йўқотадиган нарсаси йўқ эди, ва улар кўплаб узатмалар амалга ошириши ва кучли босим ўтказиши мумкин. Биз учун, ўйинни таҳлил қилганимизда, эҳтимол, айниқса иккинчи бўлимга келганда, тўпни яхшироқ бошқаришимиз мумкин эди, деб айтармиз. Ўйинни назорат қилиш учун футболни (тўпни) эҳтимол яхшироқ бошқаришингиз мумкин, бизда биттадан кўпроқ гол уриш учун ҳали ҳам бир нечта яхши имкониятлар бор эди. Бу дастлабки иккита ўйиндаги олти очкодан тўрттаси дегани. Бу ушбу даражада ўйнаётган кўплаб ўйинчиларимиз учун ажойиб дарс бўлади. Шундай қилиб, яхши жамоага қарши яхши ўйин бўлди ва айтганимдек, биз ўйинларда ғалаба қозонишга шунчалик ўрганиб қолганмизки, бизда ғолиблик менталитети бор, шунинг учун ғалаба қозонмасак, бу ҳар доим дарҳол тушкунликка тушамиз.
- Агар марказий ҳимоячилар ҳақида гапирадиган бўлсак, "Ал-Қодисия"да учта марказий ҳимоячи, бу жами бешта ҳимоячи дегани. "Пахтакор"да ҳам худди шундай ўйин схемаси эди. Лекин шунга қарамай, "Пахтакор"да беш-олтита голли вазият бўлди ва рақибда ҳам беш-олтита голли вазият юзага келди. Савол, бунинг сабаби нимада?
- Биринчидан, мен "Ал-Қодисия"га келганимдан бери биз 3-1-4-2 схемасида ўйнаяпмиз. Бу схема ўзгармади. Ўзингиз айтганингиздек, рақиб одатда тўртта ҳимоячи билан ўйнайди, лекин улар тизимни ўзгартиришди, шунинг учун иккала жамоа ҳам тактик жиҳатдан бешта ҳимоячи билан ўйнади. Биз бугун кўплаб имкониятлар яратдик ва гол урдик, лекин менимча, бу даражада қанчалик яхши ҳимояланманг ёки қанчалик яхши ҳужум қилманг, ҳар доим сизга қарши қаратилган вазиятлар юзага келади. Ва менинг дарвозабоним иккита фантастик сейв амалга оширди, бири биринчи бўлимда, иккинчиси иккинчи бўлимда. Ажойиб сейвлар. Лекин сиз бу даражада буни қилиш кераклигини кутасиз, чунки вазиятлар ярата оладиган яхши ўйинчилар бор ва бу содир бўлиши мумкин.
- Хайрли кеч, агар назарий жиҳатдан қоғозга қарайдиган бўлсак, "Ал-Қодисия" — Осиёдаги энг йирик клублардан бири ва Саудия Про-лигасининг ҳозирги даражаси маълум. Менинг саволим шундан иборатки, қандай қилиб "Пахтакор" каби жамоалар "Ал-Қодисия" каби клуб билан деярли тенгма-тенг кураша олади, бунинг сабаби нимада деб ўйлайсиз, агар биз фақатгина таркибни, молиявий қўллаб-қувватлашни, умуман ҳаммасини солиштирадиган бўлсак орадаги фарқ жуда катта. Лекин майдонда ўйин тенг кечди ва "Пахтакор" бугунги учрашувда ғалаба қозониши ҳам мумкин эди…
- Бу спорт, бу футбол, ва хайриятки, мен газеталар ва янгиликларни ўқимайман. Бугун рақиб ҳақиқатан ҳам яхши ўйин намойиш этди, улар бор кучлари билан курашишди, уларда яхши ўйинчилар бор ва баъзида бизга ўхшаган рақибга қарши ўйнаганингизда, сиз эҳтимол ўша қўшимча 10-15%ни бера олишингиз мумкин, лекин шу билан бирга улар яхши шуғуллантирилган яхши жамоа ва бу мен учун кутилмаган ҳолат эмас. Сиз спортда кўрасизки, битта жамоа фаворит бўлиши мумкин, лекин бу ҳар доим ҳам натижани кафолатлайди дегани эмас. Биз ғалабадан бир неча дақиқа узоқликда эдик, ва бу биз учун ҳақиқатан ҳам, ҳақиқатан ҳам яхши ғалаба бўларди, лекин биз унга эриша олмадик, шунинг учун бир очко билан кифояланамиз.
Биз учун ҳали ҳам атиги икки йил олдин Саудия Арабистонининг иккинчи дивизионида бўлган клубмиз. Энди эса клубдан, ўзингиз айтганингиздек, умидлар катта, ва бу биз хоҳлаган нарса. Лекин биз ҳали ҳам қуриляпмиз ва такомиллашяпмиз, ва айтганимдек, буни давом эттирамиз.
Тўғрисини айтсам, мен бу клубнинг тафсилотларини аниқ билмайман. Мен фақат таҳлил қилаётган жамоам ҳақида фикр билдира оламан, уларнинг "Ал-Аҳли"га қарши қандай ўйнашганини кўрганимда, улар фантастик гол уришганди. Шунингдек, бугунги ўйинни кўрганимизда ҳам, биз учун биз ҳали ўсаётган жамоа, клуб ва мамлакатмиз. Бизда Саудия Про-лигасида бир қанча ажойиб ўйинчилар бор, бизда фантастик шароитлар мавжуд, ўйин ўсмоқда, ривожланмоқда, ва биз буни давом эттирамиз. Бугунгидек тажриба ҳам бизга ёрдам беради, чунки бизда кўплаб ўйинчиларимиз бор, айниқса ёш ўйинчиларимиз, улар кўплаб мусобақаларда ўйнашга ўрганмаган. Лекин бу спорт, бу футбол деган гапдан бошқа айтадиган гапим йўқ. Ва айтиб ўтганимдек, биз ўйинларда ютишни яхши кўрамиз, лекин баъзида дуранг бўлганда бунга кўникиш керак.
- Сиз дунёнинг кўплаб жамоалари ва мураббийларига қарши ўйнагансиз, мен сизнинг "Пахтакор" ҳақидаги таассуротларингиз қандайлиги, "Пахтакор"нинг биринчи ва иккинчи бўлимлардаги тактикаси ҳақида нима дея олишингизни сўрамоқчи эдим?
- Бу баъзида шунчаки ўйиннинг табиий бориши. Айтганимдек, биз жуда ҳужумкор жамоамиз. Ўйлайманки, иккинчи бўлимда биз унчалик яхши қилмаган нарсамиз — биз жуда кўп тўп йўқотдик. Биз етарлича узатмалар амалга ошира олмадик ва тўпни етарлича узоқ вақт ушлаб турмадик, ва қачонки уни рақибга бериб қўйсангиз, кўпроқ ҳимоявий позицияга қайтишга мажбур бўласиз.
