"Фламенго" ва "Палмейрас"нинг собиқ ярим ҳимоячиси Алехандро Манкусо футболчиларга тўлиқ таълим олмасдан ва имтиҳон топширмасдан Аргентинанинг ATFA ассоциацияси мураббийлик лицензияларини олишни таклиф қилган. Тўртта лицензиядан иборат тўпламнинг (С, В, А ва PRO) нархи тахминан 100 минг бразилия реалини ташкил этган.
Тьяго Силва ва Роберто Карлосдан ташқари, Манкусонинг мижозлари орасида Диего Лугано, Деян Петкович, Луис Густаво, Алекс де Соуза ва бошқа машҳур футболчилар номлари келтирилган.
ATFA баёнотида Манкусонинг ташкилотга ҳеч қандай алоқаси йўқлиги ва у томонидан тақдим этилган ҳужжатлар сохта экани таъкидланди. Собиқ футболчининг ўзи эса лицензияларсотилгани ҳақидаги айбловларни рад этмоқда.
