UZ

Сўнгги янгиликлар

02:45"Олтин тўп" маросими  95 00:39Кроос: "Родри ютади"  2 23:27"Олтин тўп"ни Винисиусга Роналдо топшириши керак эди, аммо...  7 22:49МЮни бошқариш учун асосий номзод - "Брентфорд" устози  10 22:16МЮ тен Хаг даврида 616,8 млн. фунт сарфлади  1 21:49Эксперт-ҳакамлар БМБ - "Оил Стар" учрашувидаги баҳсли пенальти бўйича ўз хулосасини эълон қилишди  4 21:19Виталий Левченко: "Нефтчи"нинг натижалари мухлисларни хурсанд қилмаяпти, афсуски"  4 21:15Родри ҳақиқатдан ҳам "Олтин тўп"ни оладими? France Football жавоб берди  21 21:05Миржалол Қосимов: "Нега бундай савол бераверасизлар? Агар Ботирали Эргашев айрим бир вазиятларда жамоасини қутқармаганида, ўйин натижаси бошқача бўлар эди"  9 20:26Суперлига. "Насаф" дарвозабони томонидан 101-дақиқада урилган гол Қарши клубига "Динамо" устидан ғалаба қозонишига ёрдам берди  161 19:53Футзал. Биринчи кунги ўйинларда қандай натижалар қайд этилди?   0 19:47Родри "Олтин тўп"ни олишини билган "Реал" вакиллари Парижга боришмади  46 18:22ОКМК - "Нефтчи" учрашувидан highlights   1 18:00"Насаф" 1 ноябрь куни чемпионликни расмийлаштириши мумкин  7 17:55Суперлига. ОКМК ўз майдонида "Нефтчи"га ютқазди ва "Насаф"ни чемпионликка яқинлаштирди  23

Бир ўйин тарихи. 19 йил олдин Роналдиньо мана шу голни урганди Янгиликлар

Бир ўйин тарихи. 19 йил олдин Роналдиньо мана шу голни урганди

2005 йилнинг 8 март куни бўлиб ўтган ўйинни ёдга оламиз.

Европа чемпионлар лигаси 2004/2005 йилги мавсумида Жозе Моуринью бошчилигидаги "Челси" Франк Райкард бошчилигидаги "Барселона" билан нимчорак финалдаёқ тўқнаш келган. Каталонияда ўтган дастлабки баҳсда "Барселона" 2:1 ҳисобида ғалабага эришган. Жавоб баҳсидан олдин "Челси"даги энг асосий йўқотишлар Дидье Дрогба (биринчи ўйинда қизил карточка олган) ва Арьен Роббен (жароҳат) эди. "Барселона"да йўқотиш ҳимоячи Рафаэль Маркес (жароҳат) эди. Биринчи ўйин қаҳрамони Макси Лопез яна захирада қолдирилганди.

Учрашув мезбонлар учун ажойиб бошланди. 8-дақиқада ўнг қанотдан Матеа Кежман томонидан узатилган тўпни исландиялик ҳужумчи Эйдур Гудьонсен дарвозага жойлаб қўйганди - 1:0.

17-дақиқада Жо Коул ўнг қанотдан олдинга ўтди ва дарвозага зарба беради, Вальдес қийинчилик билан тўпни қайтарди, қайтган тўпни Лэмпард яқин масофадан дарвозага йўллади - 2:0.

Орадан икки дақиқа ўтгач яна Жо Коулнинг ажойиб пасидан кейин Дамьян Дафф бирга бир вазиятда Вальдесни ожиз қолдиради - 3:0. "Стемфорд Бридж" стадионига келган 40 мингдан зиёд мухлислар ва "Барселона" футболчилари ҳам нима бўлаётганига тушунишмаётганди.

27-дақиқада Белетти тўпни ҳаводан рақиб жарима майдонига узатади, бу вазиятда Паулу Феррейра тўпни қўли билан ўйнайди ва Коллина иккиланмай пенальти белгилайди. Петр Чех Роналдиньюнинг зарба йўналишини топди ва тўп унинг қўлларининг учига тегиб бароибир дарвозага бориб тушди - 3:1. Бу ҳисоб ҳам "Челси"ни кейинги босқичга олиб чиқар эди.

Бироқ тайм сўнггида "бразилиялик сеҳргар" сўнгги йилларнинг энг чиройли голларидан бирини уради. Тахминан 20 метр масофадан Роналдинью ҳеч ким кутмаганда тўпни бутсасининг учи билан дарвозага жойлаб қўяди - 3:2. Петр Чех хатто тўпга ташланмайди ҳам. Энди вазият ўзгарганди, мазкур ҳисоб "Барселона"ни чорак финалга олиб чиқарди.

Иккинчи таймда жамоалар эҳтиёткор футбол намойиш этишади. 76-дақиқага келибгина ҳисоб ўзгаради. Бурчакдан узатилган тўпни "аристократлар" сардори Жон Терри боши билан дарвозага йўллайди - 4:2. Қизиғи ТВ операторлар ўша бурчак тўпидан олдин Террини намойиш этишганди, бироқ "Барселона" ҳимоячилари уни ёпишга улгуришмайди. Бу ҳисоб "Челси"ни чорак финалга чиқишига етарли эди.

Қолган вақтда табиийки "Барселона" кўпроқ ҳужум қилди, бироқ ҳисоб ўзгармай қолди ва "Челси" кейинги босқичга чиқди.

Ўша йил "Челси" ярим финалга қадар етиб борган ва "Ливерпуль"га мағлуб бўлиб мусобақани тарк этганди.



"Челси" - "Барселона" 4:2

8 март 2005 йил. Лондон. "Стемфорд Бридж" стадиони. 42450 томошабин.

Бош ҳакам
: Пьерлуджи Коллина (Италия).

Голлар: Гудьонсен 8, Лэмпард 17, Дафф 19, Терри 76 - Рональдиню 27 (пенальти), 38.

"Челси":
Петр Чех, Пауло Феррейра (Глен Жонсон, 51), Рикардо Карвалью, Жон Терри, Уильям Галлас, Клод Макалеле, Фрэнк Лэмпард, Жо Коул, Дамьян Дафф (Роберт Хут, 85), Эйдур Гудьонсен (Тиаго, 78), Матея Кежман.

"Барселона": Виктор Вальдес, Белетти (Людовик Жюли, 84), Карлес Пуйоль, Олегер, Жованни ван Бронхорст (Сильвиньо, 46), Хави, Херард, Деку, Андрес Иньеста (Макси Лопес, 85), Рональдиню, Самуэль Это'О.

Огоҳлантиришлар: Пауло Феррейра 26, Кежман, Жонсон 84 - ван Бронхорст 29, Хави 68.





Муаллиф : Narzulla Saydullayev
Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика