Championat.asia сайти турнинг энг яхшиларини аниқлади.
Тур мураббийи — Сергей Лебедев (“ФарДУ”)
"ФарДУ" ортда қолган турда "Лочин" меҳмони бўлиб, 2:1 ҳисобида ғалаба қозонди. Фарғоналиклар баҳс давомида ишончли ҳаракат қилиб, рақибни мағлуб этди. Ушбу муваффақият сабаб "ФарДУ" устози турнинг энг яхши мураббийи сифатида эътироф этилди.
Тур футболчиси — Акобир Тўраев (“БухДУ”)
"БухДУ" Тошкентда "Пахтакор-фарм" меҳмони бўлиб, 3:0 ҳисобидаги йирик ва ишончли ғалабани қўлга киритди. Учрашувда бухороликлар ҳужумчиси Акобир Тўраев дублга эришиб, жамоасининг муваффақиятида бош қаҳрамон бўлди. Кўрсатган ёрқин ўйини сабаб у турнинг энг яхши футболчиси деб топилди.
Тур дарвозабони — Дилшод Ёқубов (“ФарДУ”)
Юқорида таъкидланганидек, "ФарДУ" бу турда "Лочин" устидан 2:1 ҳисобида ғалабага эришди. Учрашув давомида бир нечта хавфли вазиятларда ажойиб сэйвларни амалга ошириб, жамоасини муқаррар голлардан қутқариб қолган фарғоналиклар посбони Дилшод Ёқубов ҳақли равишда турнинг энг яхши дарвозабони сифатида қайд этилди.
Тур голи — Абдулвосид Солиев (Республика ФА)
Республика ФА бу турда "ҚМУ Жайхун" майдонига сафар уюштириб, 2:2 ҳисобида жанговар дуранг қайд этди. Баҳснинг 9-дақиқасида Абдулвосид Солиев чап оёқда йўллаган кучли зарбаси билан дарвозани ишғол қилди. Ушбу шедевр гол ҳақли равишда турнинг энг чиройли голи деб топилди.
