Биласизми? Бухоронинг “Лабса” жамоаси Фарғонадаги учрашувга захира футболчиларисиз борди

Лига дебютанти Бухоронинг “Лабса” жамоаси афтидан бошқа жамоалар сингари молиявий муаммоларга дуч келган кўринади. Боиси “Лабса” жамоаси Бухородан Фарғона вилояти, Олтиариқ туманига “Ифтихор” билан баҳсни ўтказиб қайтиш учун атига 11та футболчини олиб борган.

Энг қизиғи учрашув қайдномасига захира футболчилари ёзилмаган. Қолаверса “Лабса”ни сафар учрашувига бош мураббий эмас балки спорт директори Қобил Баратов олиб боргани маълум бўлди. Ҳар холда учрашув қайдномасига “Лабса” раҳбарияти бирорта ҳам мураббийини исм шарифини қайд этмагани киши эътиборини тортди.

Маълумот учун “Лабса” жамоаси ҳозирда 34 очко билан турнир жадвалида 6-ўринни эгаллаб турибди. Уларнинг бугунги рақиби “Ифтихор” жамоаси эса 30 очко жамғариб, 7-ўриндан жой олган.

Кўрамиз, бугун бухороликлар 11 нафар бўлишига қарамай “Ифтихор” майдонидан очко билан қайта олармикин?