“Diario Sport” маълумотларига кўра, “Барселона”нинг нидерландиялик ярим ҳимоячиси даволаниш усуллари борасида клуб раҳбарияти билан бир тўхтамга кела олмаяпти. Эслатиб ўтамиз, футболчи “кўк-анорранглилар” таркибида мунтазам майдонга тушишига халақит бераётган тизза жароҳати билан курашмоқда.
Де Йонг операция бўлишни рад этмоқда, Каталония клуби эса унинг ҳозирги даволаниш усулларини самарасиз деб ҳисоблайди ва операцияни ягона ишончли ечим сифатида кўрмоқда. Натижада “Барселона” тиббий штаби футболчига ўз шартларини қабул қилиши ва жарроҳлик столига ётиши учун босим ўтказмоқда.
Клуб, шунингдек, Френки ўтган мавсум Жаҳон чемпионатига тайёр бўлишга ҳаракат қилган, деган гумонда. Бундан ташқари, унинг тикланиш муддатлари бўйича ҳам келишмовчиликлар давом этмоқда — “Барселона”га кўра, бу муддат дастлабки жадвалдан сезиларли даражада ўтиб кетган.
Бош мураббий Ханси Флик ҳам вазиятдан норози ва муаммо имкон қадар тезроқ ҳал бўлишини хоҳламоқда.
Де Йонг 2025/26 йилги мавсум “Барса” сафида 33 та ўйинда майдонга тушиб, 1 та гол урган ва 8 та голли пас узатган.
