"Барселона" Вейналдумни эмас, Тьягони харид қилмоқчи. Клуб Куманга босим ўтказмоқда

"Кўк-анорранглилар" хўжайинлари клубнинг тарбияланувчиси ярим ҳимоячи Тьяго Алькантарани "Бавария"дан кетишни истаётгани сабаб ортга қайтармоқчи.

Куман ҳам ўз навбатида Нидерландия терма жамоасида фаолияти орқали унга таниш бўлган "Ливерпуль" хавбеки Жоржиньо Вейналдумни ўз жамоасида кўрмоқчи.

"Барселона" эса мураббийга босим ўтказган ҳолда уни кўндирмоқчи. Каталонияликлар Тьягони харид қилиш учун илк ҳаракатни бошлашди ва унинг вакиллари билан алоқага чиқишди.

Олдинроқ, фақат Вейналдум "Барселона"га сотилган тақдирда "Ливерпуль" Тьягони жамоага олиб келиши мумкинлиги айтилган эди.