Учрашувнинг 54-дақиқасида мадридликлар ҳимоячиси Марк Пубиль ўз жарима майдончаси ичида тўпни қўли билан ўйнади. У дарвозабон Хуан Муссо томонидан ўйинга киритилган тўпни қўли билан ушлаб, яна бир бор ўйинга киритиб берганди. Учрашув бош ҳаками Иштван Ковач ушбу ҳолатда реакция кўрсатмади.
"Барселона" ушбу ҳолат бўйича регламентда кўрсатилганидек, пенальти белгиланиши керак деб ҳисоблаган ва бу ўйиннинг боришига жиддий таъсир ўтказган деб маълум қилган.
Клубнинг ёзишича, сўнгги йилларда ЕЧЛда ҳакамларнинг тушунарсиз қарорлари кўпайган ва бу жамоаларнинг зарарига ишлаган. Айнан ҳакамлар орқали айрим жамоалар ўзига тенг бўлган рақиблар билан ҳам рақобат қила олмаган.
