"Барселона" футбол клуби раҳбарияти жамоанинг Чемпионлар лигаси мусобақасидаги иштирокидан вақтинча четлатилиши мумкинлигидан жиддий хавотир билдирмоқда. Бу ҳақда Marca нашри хабар беради.
Европа футбол ассоциациялари иттифоқи (УЕФА) томонидан интизомий чоралар қўлланилишига давом этаётган "Негрейра иши" суриштируви сабаб бўлмоқда.
Ушбу суд жараёни Каталония клуби томонидан Испания ҳакамлар техник қўмитасининг собиқ вице-президенти Хосе Мария Энрикес Негрейрага тегишли тузилмалар ҳисоб рақамларига кўп йиллар давомида амалга оширилган молиявий ўтказмалар ҳақидаги маълумотлар эълон қилингани билан боғлиқ. Шу муносабат билан Европа спорт майдонида чеклов чоралари қўлланилиши хавфи юзага келмоқда.
