"Барселона" Леаунинг "Милан"даги ҳолатини кузатмоқда

Португалия терма жамоасининг 25 ёшли футболчиси ушбу мавсумда ҳар доим ҳам асосий таркибда майдонга тушмаяпти. Вингер А Сериядаги 8 та ўйинда 1 та гол урди ва 3 та голли узатмани амалга оширди. Мураббий Паулу Фонсека футболчидан ўйин ва руҳий жиҳатдан "сакраш"ни кутмоқда.

Манбанинг хабарига кўра, "Барселона" Леауни ҳужум чизиғини кучайтириш учун муқобил вариант сифатида кўриб чиқмоқда. Леаунинг ўйини каталониялик раҳбарларга, айниқса президент Жоан Лапортага ёқади.

Ўтган ёзда "Блауграна" агент Жорж Мендеш орқали алоқага чиққанди, аммо "россонери"лар Леауни сотишга қарши чиқди, "Барселона" эса молиявий чекловлар гирдобига тушиб қолди. Бироқ кейинги ёзда клуб ҳужумчини сотиб олишга эътибор қаратади.