БАА - Ўзбекистон ўйинига кам вақт қолмоқда

Равшан Ҳайдаров шогирдлари саралашнинг охирги тур учрашувини БАА ёшларига қарши баҳс олиб боришади. Ўйин бизнинг вақт билан 19:25да бошланади. 

Яхши биласиз, гуруҳдаги аввалги иккита ўйинда ғалаба қозонганмиз. Ёшларимиз дастлаб Ливанни 3:1, кейин Непални 2:0 ҳисобида мағлуб этишди. Ўз навбатида БАА ҳам бу жамоаларни мағлубиятга учратди. БАА - Непал 5:0, БАА - Ливан 1:0. 

Учинчи тур олдидан БАА U-22 терма жамоаси фақат тўплар нисбатига кўра гуруҳда етакчилик қилмоқда. Ваҳоланки, уларнинг очкоси биз билан тенг. Бугунги ўйинда ғалабагина терма жамоамизни бирданига Осиё чемпионатига олиб чиқади. Агар дуранг ўйнасак, саралашни иккинчи ўринда тугатамиз ва бошқа гуруҳларнинг натижасини кутишимизга тўғри келади. Ютқазиб қўйсак ҳам худди шундай вазиятда қоламиз. 

Албатта, бугунги беллашувда футболчиларимиздан фақат ғалаба кутиб қоламиз. Шунда қолган гуруҳларда бошқалар қандай ўйнар экан деб кутиб ўтирмаймиз ва бу ёғига фақат Осиё чемпионати ҳақида ўйлаймиз. Эслатиб ўтамиз, навбатдаги U-22 Осиё чемпионати 9-27 январь кунлари Хитойда бўлиб ўтади.