UZ

Сўнгги янгиликлар

08:05МЛС. "Интер Майами" рақибини йирик ҳисобда мағлуб этди ва финалга йўл олди  0 07:37Бугун жорий мавсум Суперлига баҳсларига якун ясалади  0 03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  1 23:14Лига 1. "Монако" ўз уйида ПСЖни мағлуб этди  9 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18

Азизбек Ғаниев: "БАА Ўзбекистон билан ўйинга кичкина стадионни танлаганидан хайрон қолдим" Янгиликлар

Азизбек Ғаниев: "БАА Ўзбекистон билан ўйинга кичкина стадионни танлаганидан хайрон қолдим"

Ўзбекистонлик ярим ҳимоячи Азизбек Ғаниев айни пайтда БААнинг "Ал Батеҳ" клубида тўп тепмоқда.

Бу мавсум БАА чемпионатининг 19 та ўйинида майдонга тушиб 4 та голли узатмани амалга оширган Ғаниев билан кичик суҳбат ташкил этдик.

- "Ал Батеҳ" учун бу мавсум у қадар омадли ўтаётгани йўқ. Лекин шахсий натижаларингиз бир маъромда кетмоқда...
- Тўғри айтдингиз, клубимиз мавсум аввалини у қадар яхши бошлай олмади. Бош мураббий алмашгач натижалар ижобий томонга ўзгарди. Чемпионатни имкон қадар юқорироқ ўринда тугатишга ҳаракат қилаяпмиз.

- Кейинги мавсумда ҳам шу клубда тўп тепасизми?

- "Ал Батеҳ" билан яна икки йиллик шартномам мавжуд. Шу боис насиб қилса кейинги мавсумда ҳам шу ерда ўйнайман ва натижаларни яхшилашга умид қиламан.

- Ўзбекистон миллий терма жамоасини 5 июнь куни БААга қарши муҳим ўйин кутиб турибди. БААда ўйнаётган футболчи сифатида ушбу мамлакат терма жамоаси ҳақида қандай фикрдасиз?

- Тўғри айтдингиз, терма жамоамизни ўта муҳим баҳс кутмоқда. БАА ҳам бўлажак ўйинларга жиддий тайёргарлик кўришни мақсад қилган. Хабарингиз бор, бош мураббий алмашди. У терма жамоага яна янги маҳаллийлаштирилган футболчиларни жалб қилишни хоҳламоқда. Шунга қарамай худо хоҳласа Ўзбекистон терма жамоаси ушбу учрашувда ғолиб бўлади ва тарихий натижага эришади.




- БААда шунча катта стадионлар турганида Ўзбекистонга қарши баҳсни нима учун кичикроқ стадионда ўтказишга қарор қилинди?

- Бу янгиликни эшитиб мен ҳам хайрон қолдим. Менимча улар ўзбекистонлик  футбол мухлисларининг Осиёда анчагина ўз ўрнига эгалиги учун шундай қилишган бўлса керак. Балки бизнинг мухлисларга камроқ жой ажратишни режа қилишгандир.

- Охирги йилларда БАА чемпионатида ўзбекистонлик футболчилар камайиб қолди. Бунга нима сабаб бўлди деб ўйлайсиз?

- БАА чемпионати савияси легионерлар ҳисобига кўтарилмоқда. Шу боис бу ерда ўйнаётган легионерлар сал бўшашса ўрнингизга бошқа легионер олиб келиши жуда ҳам осон иш. Насиб қилса Ўзбекистон терма жамоаси Жаҳон чемпионатига чиқса нафақат БАА, балки бошқа давлатларда ҳам легионерлар сони анчагина кўпаяди деб ўйлайман.

- Ўз вақтида Тимур Кападзе билан бирга ишлагансиз. У қандай мураббий?

- Тимур Кападзе қўл остида 2018 йил Эрон ва Уругвайга қарши ўртоқлик ўйинларида иштирок этганман. У кучли мураббий, йигитлар билан қандай ишлашни, гаплашишни ва қандай услубда ўйнатишни яхши билади. Охирги иккита расмий ўйинда бунга барча гувоҳ бўлди.

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика