"El Chiringuito" хабарига кўра, "Атлетико" Бернарду Силвага "Барселона" таклиф қилганидан икки баравар кўп маош ваъда қилган. Бундан ташқари, "матрасчилар" каталонияликлардан фарқли ўлароқ, "Ман Сити"нинг собиқ ярим ҳимоячисига асосий таркибдан жой кафолатламоқда. "As" нашри хабарига кўра, португалиялик футболчи ўтган ҳафтада битим деярли ҳал бўлганига қарамай, сўнгги пайтларда "Барселона"дан сезиларли даражада узоқлашган. Ўйинчи икки мавсумга мўлжалланган шартнома имзолаши керак эди. Каталония клуби унинг имзоси учун аукционда қатнашмоқчи эмаслигини билдирди. Икки йиллик шартнома бўйича таклиф берилганди ва "Барса"да дастлаб унинг қабул қилинишига ишонишганди. Бернардуга "Реал" ҳам қизиқиш билдирмоқда.
