"Атлетико" матбуот хизмати Хулиан Альвареснинг Каталония клубига трансфери борасида "Барселона"ни тролл қилиб чиқди.
Мадрид клуби ўз ижтимоий тармоқларида Ламин Ямал, Педри ва Рафиньяни "Атлетико" либосида тасвирлаб, Фабрицио Романо каби "Here we go" ёзувини ёзди.
"Here we go! Биз "Барселона"га ушбу трансферлар бўйича таклиф жўнатдик: "Bad Bunny"нинг концерти учун 4та чипта, ABC учун йиллик тўлов ва писта таклиф қилдик. Шу боисдан "анонс"ни тайёрлашни интиқлик билан кутяпмиз", - деб ёзилади клуб баёнотида.
"Бироқ бизда яна бир муаммо бор: эртанги концерт учун чипта қолмабди. Энди таклифни яхшилаймиз: якшанба кунги концерт учун 6та чипта", - дейилади Педрининг постига изох тариқасида.
"Учта трансферни ёпиш учун биз ва-банкка қўл урамиз: футболчи бизга ижарага ўтади ва бир мавсум ўйнайди. Кейин эса биз "Барселона"га сотиб олиш ҳуқуқисиз Том Форд ва Том Смитни жўнатамиз. Улар бунга рад жавобини бера олишмайди", - деб ёзилади Рафиньянинг пости изохида.
Сўнгги твитда эса клуб шундай ёзди:
"Йўқ, Мадриднинг "Атлетико"си ҳеч қачон бундай иш қилмаган бўларди. Бироқ сўнгги ойларда биз футболчиларимиздан бирига нисбатан олиб борилаётган таъқиб ва обрўсизлантириш кампаниясига дуч келдик. Мақсадли маълумот сиздиришлар, "сохта янгиликлар", доимий ҳурматсизлик ҳолатлари, турли уйдирма ҳикояларни ўйлаб топаётган каталонча тарғибот машинаси, муҳим ўйинлар арафасидаги қўнғироқлар... Аммо, албатта, бизнинг ҳакамлар корпуси вице-президентини маошга боғлаб қўйиш ёки футболчиларни рўйхатдан ўтказиш учун сиёсий алоқалардан фойдаланиш хаёлимизга ҳам келмаган бўларди. ҲУРМАТ ва ҚАДРИЯТЛАР".
Бу орқали клуб Хулиан Альварес атрофидаги бўлаётган ёлғон хабарлар фақатгина "Барселона" томонидан сунъий равишда тарқатилаётганини таъкидлаётгандек.
