Лондоннинг "Арсенал" клуби бош мураббийи Микель Артетанинг Чемпионлар лигаси 2026/2027 йилги мавсуми умумий босқичининг 1-туридан ўрин олган "Наполи"га қарши ўйини олдидан ўтказилиши керак бўлган матбуот анжумани бекор қилинди. Бу ҳақда Football.London хабар бермоқда.
Манба хабарига кўра, бекор қилинишга Буюк Британияда ҳаво ҳаракатини бошқариш тизимидаги муаммо туфайли юзага келган рейс кечикиши сабаб бўлган. Жамоа Неаполга маҳаллий вақт билан соат 21:30 дан эртароқ етиб бормаслиги кутилмоқда.
Қайд этилишича, одатда УЕФА ОАВ олдидаги ўз мажбуриятларини бажармаган жамоаларга нисбатан санкциялар қўллайди, аммо енгиллаштирувчи ҳолатлар мавжудлиги сабабли "Арсенал" жаримага тортилмайди.
