"Арсенал" Обамеянг борасида бир қарорга келди

Олдинроқ клуб ундан сардорлик боғичини тортиб олганди. Бунга сабаб сифатида футболчининг Франциядан кутилганидан кўра кечроқ келганини айтишди.

"The Telegraph" хабарига кўра, айни дамда у "Арсенал"нинг асосий жамоаси билан машғулотлар олиб бормаяпти ва индивидуал тарзда шуғулланмоқда. Шу орқали у камида 9 январга қадар асосий жамоа билан шуғулланмайди ва фақатгина Африка миллатлар кубогидан кейингина машғулотларга қўшилиши мумкин.

Бугун "Арсенал" бош мураббийи Микель Артета унинг "Лидс"га қарши ўйинда иштирок қилмаслигини ҳам айтиб ўтди. Ушбу мавсумда 32 ёшли форвард "Арсенал" таркибида 15 ўйинда 7 гол ва 2 ассист қайд этди.