BBC хабарига кўра, ушбу чора ҳакамлик шаффофлигини оширишга қаратилган. Шунингдек, мухлисларга ҳакамлар қарорлари изоҳланган иқтибослар ва ҳакам камераси (RefCam) ёрдамида ёзиб олинган ҳакамларнинг футболчилар билан сўзлашувлари аудиоси тақдим этилади. Илгари беш аъзодан иборат ва баҳсли вазиятлар бўйича овоз берадиган KMI қарорлари клублар ҳамда ҳакамларга юборилар эди, аммо кенг жамоатчилик учун очиқ эмасди. АПЛ ҳужжатларнинг эълон қилиниши қарорларни баҳолашда тўлиқ шаффофликни таъминлайди деб ҳисоблайди. Қабул қилинган қарорлар изоҳланган ҳакамлар ва видеоассистентларнинг шарҳлари АПЛ ўйин марказининг X (собиқ Твиттер) ижтимоий тармоғидаги саҳифасида, шунингдек, лига сайти ва иловасида пайдо бўлади. Илгари вазиятларнинг фақат умумий тавсифлари эълон қилинар эди.
