Анчелоттига Бразилия терма жамоасидан таклиф бўлгани аниқ бўлди

Бразилия футбол конфедерацияси президенти Эдналдо Родригес терманинг аксарият мухлислари ва футболчилари айнан Карло Анчелоттини мураббий сифатида кўришни истаганларини маълум қилди.

"Карло Анчелоттини барча футболчилар хурмат қилишади. Нафақат Роналдо ва Винисиус, балки унинг қўл остида ўйнаган барча ўйинчилар. 

Мен Карло Анчелоттининг халоллиги, иш услуби ва фаолиятидаги барқарорлигига қойил қолганман. Унинг натижалари яхши. Умид қиламанки, янада яхшироқ натижалар қайд этилади. 

Анчелотти – нафақат ўйинчилар, балки жуда кўп мухлисларнинг ҳам ёқимтойи. Бразилиядаги барча стадионларда мухлислар айнан Анчелоттини мендан сўрашарди. 

Ҳозирча эса муносиб вазиятни бўлишини кутамиз. Кўрамиз, биз бунга эриша оламизми ёки йўқ. Ҳозирча эса Бразилия терма жамоасига янги мураббий излашни давом эттирамиз", -дейди Бразилия футбол конфедерацияси президенти Эдналдо Родригес.