Амрабат: "Манчестер Юнайтед" футболчиси бўлиш – катта шараф"

"Манчестер Юнайтед" футболчиси бўлиш – катта шараф. Мен сабр қилишим керак эди, лекин доимо юрагимга қулоқ тутаман ва энди орзумдаги клуб шарафини ҳимоя қиламан.

Мен иштиёқли футболчиман. Бу энергияни жамоага олиб кирмоқчиман ва майдонда ҳар бир ҳаракатим орқали бор кучимни сарфлайман. Мен Эрик тен Ҳаг қандай ишлашни ёқтиришини ва у футболчилардан нимани талаб қилишини яхши биламан.

Унинг мураббийлик кўрсатмалари ва йўл-йўриқлари фаолиятимнинг бошида мени футболчи сифатида жуда ривожлантирди. Биламан, у менинг энг яхши томонларимни очиб беришга ёрдам беради", – деди футболчи.

Амрабат ўтган ёзда ижара асосида "Фиорентина"дан "Манчестер Юнайтед"га ўтганди. Манкунианлар футболчини сотиб олиш ҳуқуқига ҳам эга бўлишади.