Акром Комилов: "Футболчилар ва мураббийлар клуб имиджини ушлаб қолишга ҳаракат қилмоқда"

Ушбу турда мухлислар Тошкент дербисига гувоҳ бўлади. Мусобақа пешқадами "Бунёдкор" ўз уйида "Локомотив"ни қабул қилади. Учрашувдан олдин "Бунёдкор" футболчиси Акром Комилов ўз фикрларини билдириб ўтди.

"Ҳар доимгидек "Локомотив"га қарши ўйинга аъло даражада тайёргарлик кўряпмиз. Ушбу баҳс қийин бўлиши аниқ, шунга яраша машғулот ўтказяпмиз. "Навбаҳор" билан бўлган ўйин ўтиб кетди. Ҳакамлар ҳақида гапирмайман. Уни ўрганиб чиқадиганлар бор. Нима бўлганини барча кўрди. Ортиқча гапиришга ҳожат йўқ.

Ўйинда ҳар қандай ҳолат бўлиши мумкин. Лекин, биз ҳам таслим бўлмаймиз. Сўнгги дақиқагача курашамиз. Насиб қилса ўзимизга керакли бўлган очкони қўлга киритишга уринамиз. Клуб раҳбарияти қўлдан келганча молиявий томондан ёрдам беришмоқда. Лекин, футболчилар ва мураббийлар клуб имиджини ушлаб қолишга ҳаракат қилмоқда", - дейди Акром Комилов

Жаҳонгир Сотволдиев ёзиб олди