"Шаржа" бош мураббийи: "Мен ҳалолман, демак, ҳамма ҳалол бўлиши керак. Ҳаёт шундай эканлигига ишонаман"

"Чемпионлар Лигаси плей-офф босқичидан олдинги охирги ўйинидамиз. Ўз уйимизда ўйнаймиз. Шундай экан, ғалаба қозониш учун кучли тайёргарлик кўрдик. Нима бўлишини вақт кўрсатади.

Мен ташкилотчиларга ишонаман. Биз ташкилотлар ва тузилмаларни яратамиз... бу менинг дунёқарашим... улар ҳаётнинг энг олий тамойиллари ва қадриятларини мақсад қилиши керак. Мени ташвишлантирадиган нарса фақат ўзимиз назорат қила оладиган жиҳатлардир. Биз назорат қила оладиган жиҳат — ўйинимиз. Бўлажак беллашувда нималар қила олишимиз муҳим аҳамиятга эга. Худди ўтган ўйиндаги каби. 

Кейинги ўйин эртага. Бу ўйинда қўлимиздан келганини қиламиз. Натижа қандай бўлишини билмаймиз. Шундай экан, эртанги натижага қараб, бошқа ўйинлардаги натижалардан бирор нарса кутишимиз мумкин. Лекин шунга ишонаманки, мен ҳалол бўлганимдек... мен ўзим ҳалолман, демак... ҳамма ҳалол бўлиши керак. Ҳаёт шундай эканлигига ишонаман", деди 60 ёшли мутахассис.

Эслатиб ўтамиз, аввалроқ Жозе Мораиш гуруҳ босқичининг сўнгги тур ўйинлари бир вақтда бошланмаслиги юзасидан Осиё Футбол Конфедерациясига норозилигини билдирганди.