Моуринью "Реал"га қайтиши мумкинми?

"Diario AS" мухбири Жозе Феликс Диаснинг айтишича, клуб раҳбарияти келажакда Моуриньюни қайта тайинлаш эҳтимолини тўлиқ истисно қилган. Унинг клубда бой тарихи бўлишига қарамай, "Реал"нинг ҳозирги ривожланиш йўналиши португалиялик мураббий билан ҳамкорликни қайта тиклашни назарда тутмайди.

Вазият мураббийнинг интизомга оид муаммолари фонида янада кескинлашди. Моуринью дисквалификация сабаб "Бернабеу"даги Чемпионлар Лигасининг жавоб ўйинида мураббийлар ўриндиғида бўла олмайди. Бу ҳолат клуб учун обрўга оид хавф-хатарларни яна бир бор кўрсатиб берди ва "Реал" энди бундай таваккалга боришга тайёр эмас. Мадридда Жозенинг клуб тарихидаги ҳиссасини қадрлашади, аммо бу бобни батамом ёпилган деб ҳисоблашади.

Хабар қилинишича, Моуринью фойдасига мураббийлар алмашинуви бўлиши мумкинлиги ҳақидаги ҳар қандай миш-мишлар мутлақо асоссиз.

Эслатиб ўтамиз, Моуринью "Реал"ни 2010-2013 йилларда бошқарган. Унинг даврида "қаймоқранглилар" 178 ўйин ўтказиб, 127 та ғалаба, 23 та мағлубият ва 28 та дуранг қайд этган.