Энрике "Челси"ни тор-мор этгач лол қолдирди: "Бизнинг иккита голимиз ўйин тақдирини ҳал қилиб бўлганди!"

Эслатиб ўтамиз, Парижда ўтган дастлабки баҳсда ҳам Энрике шогирдлари 5:2 ҳисобида зафар қучган ва икки ўйин натижасига кўра умумий 8:2 ҳисобида кейинги босқичга йўл олди.

"Мукаммаллик йўқ, аммо биз қарши ҳужумларда аниқ ўйнадик"

"Футболда мукаммаллик деган нарса йўқ, аммо тан олишим керакки, биринчи ўйин жуда оғир ўтганди, айниқса дастлабки 80 дақиқа. Ўша натижадан сўнг кечаги учрашув давомида ҳам ўйин даражамизни сақлаб қола олдик. Жавоб ўйини бошқача сценарийда кечди, чунки биз қарши ҳужумларда жуда аниқ ҳаракат қилдик ва ўйин тақдирини амалда ҳал қилиб қўйган иккита голни урдик".

Тўпни назорат қилиш орқали ҳимояланиш — асосий қурол

Испаниялик мутахассис жамоасининг тактик устунлиги ва рақибларнинг ҳурмати ҳақида тўхталиб ўтди:

"Бундай ўйинни назорат қилиш доим қийин, чунки "Челси" — тезроқ гол уришга интиладиган ажойиб жамоа. Тўпни ушлаб туриш осон эмас, бироқ қарши ҳужумлар ва тўп назорати ўртасидаги мувозанат ҳал қилувчи омил бўлди. Тўпга эгалик қилган ҳолда ҳимояланиш — бизнинг асосий вазифаларимиздан биридир. Биз ажойиб ўйин кўрсатдик ва ғалабага мутлақо ҳақли эдик.

Ҳамма — айниқса Чемпионлар Лигасида ўйнайдиганлар — бизни ҳурмат қилишади, чунки футболни қандай ўйнашга ҳаракат қилаётганимизни яхши билишади. Бошқа жамоалардан оладиган ва ҳис қиладиган бу ҳурматимиз биз учун жуда муҳим. Бундай жамоанинг бир қисми бўлиш ёқимли ва биз кейинги босқич ўйинларини интиқлик билан кутяпмиз", — деди Энрике.