Роналду: "Ҳали масала ҳал бўлгани йўқ, "Реал" ПСЖ майдонида гол уриши керак"
15 фев 2018 12:17
Новости

Роналду: "Ҳали масала ҳал бўлгани йўқ, "Реал" ПСЖ майдонида гол уриши керак"

"Реал" ҳужумчиси Криштиану Роналду ПСЖга қарши бўлиб ўтган Чемпионлар лигаси 1/8 финал илк учрашуви (3:1) ҳақида фикр билдирди.

"Реал" муҳим ғалабага эришди. Ўйинни ёмон бошламадик, бироқ гол ўтказиб юбордик. Аммо бу Чемпионлар лигаси ва "Реал"да тажриба бор. Биз ўз майдонимизда муносиб футбол кўрсатишни истадик. "Реал" жавоб ўйинидан олдин яхши устунликка эга бўлди. ПСЖ хавфли жамоа эканлигини билардик. Уларни тўпдан айириш учун прессинг уюштирдик. Гол урсанг ва жамоанг ғалабага эришса, ўзгача ҳислар пайдо бўлади. Бироқ чорак финал масаласи ҳал бўлгани йўқ, "Реал" Парижда ПСЖни мағлуб этиши керак. Ўзимизни хотиржам ҳис қилиш учун рақиб майдонида гол уришимиз керак" - дейди Роналду.

Ушбу жамоалар ўртасидаги жавоб ўйини 6 март куни бўлиб ўтади.

Ссылка :

Источник : Marca

Получайте новости прямо в Telegram!

Рейтинг: +40