Zoyir Mirzaevning vadasi, “Spark” yutgan muxlis. “Nasaf” – “Andijon” uchrashuvidan muxlislar GALEREYAsi

Qarshidagi ochilish o'yiniga kutilganidek, viloyat hokimi Zoyir Mirzaev tashrif buyurib, nutq so'zladi. Qashqadaryo klublari “Mashal” ham, “Nasaf” ham yangi mavsumni yaxshi natija bilan boshladi. Jamoalarimiz bizga ko'p narsalarni vada qilishgan. Ishonamanki , bu vadalar bajariladi va klublarimiz butun mavsum davomida ko'ngildagidek natijalarni qayd etib borishadi. Bugun 8 mart, ayollar bayrami. Agarda “Nasaf”ning qaysi futbolchisi bugun gol ursa bu bilan ayolini, onasini tabriklagan bo'ladi. Sovg'asi esa hokimlikdan bo'ladi", - dedi Qashqadaryo viloyati hokim Zoyir Mirzaev.

Uchrashuvdan keyin viloyat hokimi bergan vadasining ustidan chiqdi. Zoyir Mirzaev kiyinish xonasida “nasaf”chilarni g'alaba bilan tabriklar ekan, gol urgan futbolchilar Bobir Abdixoliqov va SHarof Muhitdinovning volidalari uchun kir yuvish mashinalarini sovg'a sifatida topshirdi.

SHuningdek shu kuni muxlislar ham stadiondan quruq qo'l bilan qaytmadi. Professional sport agentligi omadli muxlisni lotoreya o'yinida aniqladi va yakkabog'lik ishqibozga “Spark” avtomobili topshirildi.


Nomoz CHoriev
Foto: Abdilatif SHodiev