Zafar Xolmurodov “Nasaf” futbol maktabida ish boshladi
24 sen 2015 07:51
Yangiliklar

Zafar Xolmurodov “Nasaf” futbol maktabida ish boshladi

Joriy yilda “Nasaf” o'rinbosarlari jamoasidaa bosh murabbiy bo'lib, faoliyat olib borgan Zafar Xolmurodov kutilmaganda o'z xohishi bilan klubni tark etgan edi.

Qisqa vaqt futbolda ko'rinish bermay qo'ygan afsonaviy futbolchi nihoyat “Nasaf” Futbol maktabida paydo bo'ldi.

So'nggi malumotlarga qaraganda, Xolmurodov sentyabr oyi boshidan buyon 2002 yilda tug'ilgan o'smirlardan iborat tayyorlov guruhi mashg'ulotlarini olib borayotgan ekan.

Ushbu tayyorlov guruhidagi o'quv mashg'ulotlarini olib borishda Zafar Xolmurodovga yosh murabbiylar Sirojiddin Eshqobilov hamda Denis Qayumovlar ko'maklashmoqda.

Rahbariyat Xolmurodovga 2002 yilda tug'ilgan o'smirlar tayyorlov guruhini bosh murabbiyligini rasman hozircha topshirgani yo'q.

Tajribali sobiq futbolchi qisqa fursat ichida qaysidir tayyorlov guruhi bosh murabbiyi etib tayinlanishi endi aniq.

“Nasaf” PFK rahbariyati Zafar Xolmurodovning yuksak mahorati va yillar davomida to'plagan tajribasi yosh iqtidor egalarini tarbiyalab voyaga etkazishda asqotishiga ishonadi.

Iqtidorlar fabrikasi hisoblanmish “Nasaf” Futbol maktabining yanada nufuzini oshirishda Zafar Xolmurodov albatta o'z hissasini qo'shadi.

Faxriddin CHORIEV.

Havola :

Manba : voha.uz

Yangiliklarni Telegramda o'qing!

Reyting: +3