Yap Stam MYUni kim boshqarishi kerakligini aytdi

"Bilasizmi, menga De Dzerbi juda yoqadi. U "Brayton"da zo'r ishladi, "Marsel"da shu tarzda ishlashda davom etmoqda. Jamoalarining o'yinini ko'rsak, uning ish uslubi menga yoqadi. Chunki uning jamoalari to'pga ko'p egalik qiladi va shu asosida o'yin quriladi. Shuningdek, Roberto futbolchilarni to'g'ri joylashtiradi va shu sababli raqiblari pressing uyushtirishga qiynaladi. Tez hujumga o'tishadi va harakatlanishadi. Uning jamoalari ko'p gollar urishadi, ha, balki etarlicha o'tkazib yuborishi ham mumkin. Buni uning o'zi ham tan olsa kerak.

U odamlar bilan yaxshi ishlaydi. Futbolchilar bilan suhbatdan keyin ularda ishonch, etibor oshadi. U katta klublarga kerak.

Agarda klub uni taklif qilganda xursand bo'lardim, lekin ular Kerrikni tanlashdi", - dedi Stam.