"Yangi asr fenomeni": Jeymi Karrager Holandni APLning eng yaxshi to'purari deb atadi

Uning so'zlariga ko'ra, futbol hech qachon bunday noyob va sermahsul hujumchini ko'rmagan.

"Menimcha, biz nafaqat ajoyib hujumchini, balki APL tarixidagi eng yaxshi to'purarni ham kuzatmoqdamiz.

Qoyilmaqom hujumchi va haqiqiy gol urish mashinasi o'rtasida farq bor. Holand esa aynan ikkinchisi", – dedi Karrager. 

Karrager, shuningdek, norvegiyalik futbolchi hatto "shaharliklar" afsonasi Serxio Aguero bilan solishtirganda ham "butunlay boshqa darajada" ekanini qayd etdi.

"Aguero munosib o'yinchi edi, APLda harakat qilgan eng yaxshilardan biri edi. Biroq Holandning qilayotgan ishidan kelib chiqsak, uni fenomen deb atasak bo'ladi. Biz futbolda ilgari bo'lmagan narsani ko'ryapmiz", – deya qo'shimcha qildi ekspert.

Erling Holand joriy mavsum "Manchester Siti" safida 9 o'yin o'tkazib, 12 ta gol urdi va 1 ta golli uzatmani amalga oshirdi.