Xurshid G'iyosov: "Jamoadagi o'zgarishlar bizga ijobiy tasir qildi"

SHiddatli kechgan uchrashuvda tomonlar murosa yo'lini tanlashdi (1:1). Ushbu bahsdan so'ng "Obod" jamoasi futbolchisi Xurshid G'iyosov o'yin haqida o'z fikrlari bilan o'rtoqlashdi.

"CHempionat so'nggida barcha futbolchilarda charchoq alomatlari bor edi. Barchasi biz o'ylaganimizdek ro'y berdi. "Paxtakor" klubini yaxshi bilamiz, xato qilgan jamoalarni kechirib o'tirishmaydi. Bunday klub bilan durang o'ynaganimizdan xursandmiz. Biz gol urush uchun bor kuchimiz bilan oldinga o'tgandik, ammo raqiblarimiz darvozasini bir marotaba ishg'ol qildik, xolos.

Jamoamiz bu yil ilk bor oliy ligada ishtirok etgani bois chempionat bahslariga moslashib olishimiz biroz qiyin bo'ldi. Yakunda o'zimiz uchun kerakli bo'lgan natijani qo'lga kiritdik. Jamoamizda bir qator o'zgarishlar bo'ldi. Ikkinchi davrada yangi futbolchilar safimizga qo'shildi. Bunday o'zgarishlar bizga ijobiy tasir qildi. Elitada qolganimizdan xursandman", - deydi "Obod" jamoasi futbolchisi Xurshid G'iyosov.

Jahongir Sotvoldiev