"Vest Xem" Potter o'rniga Lempardni tayinlashi mumkin. Hozirda mutaxassis Chempionshipning "Koventri" klubida ishlamoqda

Football Insider xabariga ko'ra, London klubi bunday imkoniyatni o'rganmoqda.

Lempard hozirda Chempionshipning "Koventri" klubini boshqarmoqda. Jamoa o'tgan mavsumda jadvalning quyi yarmidan ko'tarilib, beshinchi o'rinni egallagan edi.

Qayd etilishicha, murabbiy hozirgi klubdagi vaziyatdan mamnun, ammo Premer-ligadan taklifni ko'rib chiqadi.

"Vest Xem" APL joriy mavsumida 4 o'yinda 3 ochko jamg'arib, 18-o'rinni egallab turibdi. Potter klubni 2025 yilning yanvaridan buyon boshqarib kelmoqda.

Eslatib o'tamiz, Lempard "Vest Xem" safida Premer-liga o'yinchisi sifatida 1996 yilda debyut qilgan. U klub safida barcha musobaqalarda 187 ta o'yin o'tkazgan.