Vadim Abramov: "Dinamo"da qolish-qolmasligimni klub rahbariyati hal qiladi"

- O'yin haqida

- Yaxshi o'yin o'tkazdik. Birinchi bo'limda yuzaga kelgan imkoniyatlarimizdan foydalandik. Ikkinchi bo'limni ham yaxshi boshladik. Biroq bo'lim o'rtalariga kelib o'yinimiz biroz susaydi. Bundan mezbonlar unumli foydalanib, penaltidan gol urib ketishdi. Umumiy aytganda, sifatli futbol namoyish etdik.

- Nima uchun "Dinamo" mavsum oxiriga kelib uyg'ondi?

- Bizda optimal tarkib bo'lmayotgandi. CHetlatishlar, jarohatlar to'liq tarkib bilan o'ynashimizga xalal berdi. Hatto markaziy himoyada bitta nominal himoyachi bilan ham o'ynadik. Bugun bizda to'liq tarkib maydonga tushdi va natija ham shunga mos bo'ldi.

- Jamoa Pro ligaga tushib ketdi. Siz "Dinamo"da qolasizmi?

- Buni men hal qilmayman. Klub rahbariyati qanday qarorga kelishiga bog'liq.

- Agar o'zingizga qolsa-chi?

- Aytib o'tdim, barchasini klub rahbariyati hal qiladi. Hozir men bu borada hech narsa deya olmayman.