Ushbu futbolchilar Angliyada ham o'ynab ko'rishlari kerak...

Demak, boshqa chempionatlarda to'p tepadigan va APLda o'ynab keta olishi mumkin bo'lgan futbolchilar haqida gaplashamiz!

10. "Real"ning istedodli futbolchisi Isko madridliklar safida muntazam ravishda maydonga tusha olmayapti. Futbolchiga "Arsenal" tomonidan qiziqish borligini inobatga oladigan bo'lsak futbolchi "kanonirlar" tarkibida o'ynab keta olishi mumkin.

9. Mario Gyoce. "Bavariya". Germaniya terma jamoasining istedodli futbolchisini ham Angliya klublaridan birida ko'rish muxlislar uchun qiziq bo'lishi aniq.

8. "Borussiya D" futbolchisi Marko Roysga ham APLning bir qancha grandlari tomonidan qiziqishlar bor. MYU, "CHelsi", "Manchester Siti"lar shular jumlasidandir...

7. Iqtidorli Kevin de Bryune o'z vaqtida "CHelsi" futbolchisi hisoblanardi. Biroq, u ingliz jamoasidagi vaqtini Germaniya klublarida ijarada o'tkazdi. "CHelsi"dan "Volfsburg" safiga o'tganidan so'ng esa o'zining yorqin o'yinlarini ko'rsatishni boshladi.

6. Ayni paytda dunyoning eng kuchli hujumchilaridan biri hisoblangan Zlatan Ibragimovich faoliyati davomida hech qachon ingliz jamoalarida o'ynamagan. Uning o'zi esa yaqinda Mourino bilan birga ishlash istagi borligini aytib o'tdi. Ko'ramiz, vaziyat qay tarzda ko'rinish olarkin?

5. Neymar o'zi yaqinda "Barselona"ga keldi deysizmi? U Ispaniyada namoyish etayotgan o'yinini, ajobtovur fintlarini Messisiz ham namoyish eta oladi. Ishonavering!

4. "Real Sosedad" tarkibidan "Atletiko" safiga borib qo'shilgan Antuan Grizmann haqiqatdan ham kuchli futbolchi ekanligini madridliklar safida ham isbotlamoqda. Unga APLda qaysi jamoa mos kelgan bo'lardi? "Arsenal"mi yoki hujumchi borasida muammolarga duch kelayotgan MYUmi? Balki u "Liverpul"ga o'tar...

3. Dunyoning eng kuchli futbolchilaridan biri hisoblanadigan Frank Riberining Angliyada bemalol o'ynab keta olishi uchun barcha narsasi etarli. Texnika, tezlik, jismoniy holat!

2. To'g'ri, Pol Pogba o'z vaqtida "Manchester Yunayted" azosi hisoblangan. Biroq, franciyalik yosh yarim himoyachiga o'z vaqtida imkon berilmagan. SHundan so'ng u "Yuventus" safiga yo'l olgan. Agar, u yana "Tumanli Albion"ga qaytadigan bo'lsa qaysidir jamoa aniq kuchayadi!

1. Va nihoyat Leooo Messi! Uni Ronaldu bilan taqqoslashsa ko'pchilik "Messi APLda o'ynab keta olmaydi" mazmunidagi fikrni bildiradi. Ammo, shunisi aniqki, argentinalik futbolchi Angliya Premer-Ligasining chiroyiga chiroy, ko'rkiga ko'rk qo'shib bera oladigan futbolchidir!

Aziz To'xtamurodov tayyorladi