U-23 OCH. O'zbekiston - Yaponiya uchrashuvi bir daqiqalik sukut bilan boshlanadi

Rossiyaga ketayotgan avtobusda yong'in chiqishi natijasida 52 kishi halok bo'ldi va 5 kishi jabrlandi.

Halok bo'lganlarning bari o'zbekistonlik. Hodisa joyiga O'zbekiston Prezidenti SHavkat Mirziyoev topshirig'iga ko'ra tuzilgan maxsus hukumat komissiyasi azolari yo'l olgan bo'lib, fojea sabablari o'rganilmoqda.

Halok bo'lganlarning xotirasini yod etish uchun bugun 23 yoshgacha bo'lgan futbolchilar o'rtasidagi Osiyo chempionatidan o'rin olgan O'zbekiston va Yaponiya terma jamoalari ishtirokidagi chorak final uchrashuvi boshlanishidan avval bir daqiqalik sukut saqlanadi.

O'zbekiston futbol federaciyasi Qozog'istonda ro'y bergan fojeada halok bo'lganlarning oila azolari va yaqinlariga chuqur hamdardlik bildiradi.