Pablo Taborda: "Mag'lubiyatga qaramay, boshimizni baland ko'targan holda O'zbekistonni tark etamiz"

"Braziliyaga qarshi o'yinda ustunlik qildik. SHunchaki ular vaziyatlardan unumli foydlanishdi. Mag'lubiyatga qaramay, boshimizni baland ko'targan holda bu erni tark etamiz. Biz borimizni berdik, 40 daqiqa davomida hujum qildik. SHunchaki omad bizga kulib boqmadi.

Hakamlar faoliyatini yaxshi baholamayman. Ular bir xil standart asosida ish olib bormadi.  

G'alaba qozonishimizda eng katta to'siq Braziliya darvozaboni edi. U haqiqatdan ham ajoyib o'yin namoyish etdi va ko'p vaziyatda darvozasini gollardan saqlab qoldi", dedi Taborda.

Eslatib o'tamiz, ketma-ket uchinchi marotaba jahon chempionati finaliga chiqqan Argentina terma jamoasi kumush medallarni qo'lga kiritdi.

Oqil Abdubarnoev suhbatlashdi.