U-20 Jahon chempionatiga qura tashlandi. Kichik mundialda Osiyodan to'rtta jamoa qatnashadi

Malumot uchun, ushbu mundial hisob bo'yicha 24-chisi bo'lib, shu yilning 27 sentyabr - 19 oktyabr kunlari Chilida tashkil etiladi.

Stadionlar

U-20 Jahon chempionatiga Chilidagi uchta stadion mezbonlik qiladi.

1. Estadio Nacional (shahar: Santyago, sig'imi: 48 ming)

2. Estadio El Teniente (shahar: Rankagua, sig'imi: 14ming)

3. Estadio Elías (shahar: Valparayso, sig'imi: 20 ming)

4. Estadio Fiscal de Talca (shahar: Talka, sig'imi: 16 ming)

Qura va guruhlar

Bugun ushbu musobaqaning final bosqichi uchun qura marosimi o'tkazildi. Qura natijalariga ko'ra, 24ta terma jamoa 4tadan 6 guruhga bo'lingan.

A guruhi: Chili, Misr, Yaponiya, Yangi Zelandiya.

B guruhi: Janubiy Koreya, Panama, Paragvay, Ukraina. 

C guruhi: Braziliya, Meksika, Marokash, Ispaniya.

D guruhi: Argentina, Avstraliya, Kuba, Italiya.

E guruhi: Franciya, Yangi Kaledoniya, JAR, AQSH.

F guruhi: Kolumbiya, Nigeriya, Norvegiya, Saudiya Arabistoni.

U-20 Jahon chempionatiga formatiga ko'ra, har bir guruhdan ikkitadan jamoa hamda eng yaxshi 4ta uchinchi o'rin egalari keyingi bosqichga yo'l oladi. 

Osiyodan 4 jamoa

Ushbu mundialda Osiyodan 4ta terma jamoa qatnashadi: U-20 Osiyo chempionati g'olibi - Avstraliya, shuningdek Saudiya Arabistoni, Yaponiya va Janubiy Koreya. 

Avstraliya U-20 terma jamoasi guruh o'yinlarini Italiya, Kuba va olti karra U-20 Jahon chempioni Argentinaga qarshi o'tkazadi. Bu yoshdagi mundialda 10-marta ishtirok etadigan Saudiya Arabistoni U-20 terma jamoasi esa guruhda Kolumbiya, Norvegiya va Nigeriya bilan bahs olib boradi.

1999 yilgi Jahon chempionati finaliga chiqqan Yaponiya yoshlar terma jamoasi bu safar guruh bahslarini Chili, Yangi Zelandiya va Misrga qarshi o'tkazadi. Darvoqe, bu Yaponiya uchun ketma-ket to'rtinchi mundial bo'ladi. Umumiy hisobda yaponlar 12 marta U-20 Jahon chempionatida ishtirok etgan.

2019 yilgi Jahon chempionati Polshada o'tkazilgan bo'lib, o'shanda Janubiy Koreya 2-o'rinni qo'lga kiritgandi. Mana endi bu yil koreyaliklar kamida o'sha natijani takrorlashga urinib ko'rishadi. Janubiy Koreya U-20 terma jamoasi guruh uchrashuvlarini Ukraina, Paragvay va Panamaga qarshi o'tkazadi. 

X.Xoliqov.