Turkiyadan qaytganidan so'ng karantinga olingan SHota Arveladze "Paxtakor" mashg'ulotlariga qo'shildi

Ayni paytda klublar qayta tiklanajak o'yinlarga qizg'in tayyorgarlik olib borishmoqda.

Mamlakatning amaldagi chempioni "Paxtakor" ham "So'g'diyona"ga qarshi Jizzaxda kechadigan bellashuvga hozirlik ko'rmoqda. "SHerlar" bosh murabbiyi SHota Arveladze bugundan jamoa mashg'ulotlariga qaytdi va jarayonni shaxsan o'zi nazorat qilmoqda. Yodingizda bo'lsa, gruziyalik mutaxassis Turkiyadan O'zbekistonga qaytib kelganidan so'ng karantinga olingandi. Endi esa amaldagi chempionlar yana bosh murabbiy qo'l ostida mashg'ulotlarni davom ettirishmoqda.

SHota Arveladze Toshkentga qaytgan va karantinga kirgan

SHota Arveladze va Jasur Abduraimov.

Bundan tashqari, "Paxtakor"ning darvozabonlar murabbiyi Ibrohim Yilmaz ham bugundan mashg'ulot jarayoniga qaytdi. U ham SHota singari karantinda edi. Turkiyalik mutaxassis yo'qligida darvozabonlar bilan tajribali murabbiy Denis Ivankov vaqtincha ishlab turgan edi. Bu haqda Ivankovning o'zi ham saytimizga bergan intervyusida aytib o'tgandi va "Paxtakor"dan unga aniq taklif borligini ham qo'shimcha qilib o'tgandi. Bugungi mashg'ulotlarda esa O'zbekiston terma jamoasi darvozabonlar murabbiyi ko'rinish bermayapti. Balki, u hali klub tomonidan berilgan taklifni qabul qilmagandir. Hammasiga vaqt aniqlik kiritadi.

O'zbekiston milliy terma jamoasi murabbiyi “Paxtakor”da ish boshlashga yaqin turibdi

Ibrohim Yilmaz ham mashg'ulotlarga qaytdi.

SHuningdek, jamoa etakchilaridan biri Jaloliddin Masharipov umumiy guruh mashg'ulotlariga qaytgan. Yarim himoyachi jarohat sabab malum vaqt individual tarzda shug'ullandi.

Foto Masharipovning holati qanday? "Paxtakor"ning bugungi mashg'ulotidan GALEREYA

Masharipovning umumiy guruh mashg'ulotlariga qaytgani muxlislar uchun xushxabar.

Murabbiylar to'liq tarkib bo'lishganidan keyin kayfiyatlari alo.