Totti eng yaxshi jamoadoshi kim bo'lganini oshkor qildi

- Men Antonio Kassanoni tanlardim. CHunki biz maydonda Antonio bilan yarimta so'z orqali bir-birimizni juda yaxshi tushunardik. Maydondan tashqarida ham munosabatlarimiz juda qalin bo'lgan. Antonio Kassano bu nafaqat Italiya futbolidagi eng yaxshilardan biri, balki Evropa futbolida ham o'z o'rniga ega bo'lgan. Kassano bu haqiqiy iqtidor egasi edi.

SHuningdek, men Batistuta va Montella bilan ham birgalikda to'p tepganman. Bu futbolchilar tarix yaratishgan. SHu bois ularni unutib qo'yish adolatdan bo'lmaydi. Batistuta va Montella bilan birgalikda o'ynash bu haqiqiy zavq edi. Bu ikki futbolchilar bilan bir jamoada o'ynash baxtiga muyassar bo'lganimdan juda xursandman.

Murabbiylar masalasiga keladigan bo'lsak, unda Zemanni alohida takidlayman. Ushbu mutaxassis bilan juda yaxshi munosabatda bo'lganmiz. Ochiq aytadigan bo'lsam, men hech bir murabbiy bilan tortishib qolmaganman. CHunki men doimo murabbiylar aytgan ishni, talab qilgan mashqlarni to'liq bajarardim. Murabbiylarni barchasini birdek hurmat qilganman. "Roma"da hech bir murabbiy meni deb ishdan haydalmagan.
Klub har doim mustaqil ish yuritgan.