Timur Kapadze: "AGMK tajriba evaziga bizni mag'lub etdi"

O'yin haqida

- Bugun yomon o'ynamadik. Futbolda yaxshi o'ynab ham yutqazish mumkin. Umuman har ikki jamoa ham yaxshi o'ynadi. Bizda ham vaziyatlar bo'ldi, foydalana olmadik. AGMK tajriba evaziga o'z vaziyatlarini golga aylantirdi va bizni mag'lub etdi. Yigitlarga ham shu haqida aytdim.

- Keyingi turda chempionlik uchun kurashayotgan "Nasaf" bilan o'ynaysizlar. SHunaqa o'yin oldidan mag'lubiyat yigitlarga tasir ko'rsatmaydimi?

- Albatta, har qanday mag'lubiyat o'z tasirini o'tkazadi. Biroq biz jamoamiz bilan bunday xolatdan chiqib ketamiz deb o'ylayman. Keyingi turda "Nasaf" bilan o'ynaymiz. Ular o'z oldilaridagi vazifani bajarish uchun harakat qilishadi. Biz ham o'z vazifamizni bajarish uchun o'ynaymiz va har bir o'yinda maksimal natija uchun harakat qilamiz. O'z maydonimizda o'ynaymiz, bu ham bizga qo'shimcha ustunlik beradi.

- Sizningcha, ushbu mavsumda qaysi jamoa chempion bo'ladi?

- Eng haqli jamoa chempion bo'ladi.

- Eng haqlisi kim deb o'ylaysiz?

- Bilmadim, fikrimcha "Nasaf" boshqalardan ko'ra haqliroq edi. Ularning egallab turgan o'rinlari ham buni ko'rsatib turibdi.