Ten Xag: "Kuchli to'rtlikka kirishni istaymiz"

"Ko'plab turnirlarda ishtirok etyapmiz. Sovrinlar qo'lga kiritishni, o'z navbatida APL kuchli to'rtlikka kirishimizni istayman. Bu bizning maqsadimizga aylanishi kerak.

Ushbu mavsumda bunga erishish oson bo'lmaydi, chunki so'nggi yillar davomida APLda raqobat kuchayib ketdi. Klublar tarkibini birdaniga 7-8 nafar kuchli futbolchilar bilan to'ldirmoqda. Nafaqat biz transferlarga ko'p pul ishlatdik, balki, "Nyukasl" ham, "Vest Xem" ham shunday katta mablag' ishlatishdi.

MYU o'z tarixida juda ko'plab sovrinlarga ega chiqqan. Bunga jamoadagi jangovarlik ruxi, klubdagi madaniyat ham sabab bo'lgan. Men esa ushbu jihatni jamoaga qaytarishni istayman. Biz to'g'ri yo'ldamiz", - dedi ten Xag.