Temurxo'ja Abduxoliqov: "Al Hilol" o'z uyida kuchli, Toshkentda esa "Loko"..."

- Uchrashuv kutilganidek qiyin o'tdi. Birinchi bo'limda tezkor gol kiritib oldik. Bu bizning ishimizni ancha engillashtirdi. Ushbu bahsda asosiy vazifamiz gol o'tkazib yubormaslik edi. Umuman olganda uchrashuv qiziqarli kechdi. Faqat biroz qiynaldik. "Al Hilol" ham yomon harakat qilmadi. SHunchaki ular o'z uylari kuchli o'ynashadi. Toshkentda esa biz kuchliroqmiz. SHu bois g'alaba biz tomonda bo'ldi. Birinchi bellashuvdan keyin ko'pchilik "Al Hilol" osonlik bilan g'alaba qozonadi deb o'ylagandi. Ammo yakunda biz muvaffaqiyat qozondik. O'zbek ahli oldida yozimiz yorug' bo'ldi. Kim gol urishidan qatiy nazar jamoamizning g'alabasi birinchi o'rinda turadi. Qaysi futbolchi gol urishining farqi yo'q. Muhimi g'alaba qozondik va vazifani uddaladik. Butun o'zbekistonlik muxlislarni xursand etganimiz bizni ikki karra quvontiradi. Keyingi o'yinlarda ham ularning ishonchlarini oqlashga harakat qilamiz.