Suriya termasi darvozaboni: "O'zbekiston biz kutgandek o'ynadi"

- Maksim, bugungi o'yin haqida nima deya olasiz?

- Biz ham, O'zbekiston ham yaxshi o'yin ko'rsatdi. Ikkinchi taymda Abbos Fayzullaevni maydonda ko'rib xursand bo'ldim. U o'zini yaxshi taraflama ko'rsatdi, xavfli vaziyatlar yaratdi. O'yin sifatli ko'rindi.

- O'zbekiston terma jamoasi o'yini haqida qanday fikrdasiz?

- O'zbekistonning o'yinlarini o'rganib chiqqandik. Tayyorgarlik jarayonidagi rejalarni amalga oshirdik. Hammasi biz kutgandek bo'ldi.

- Qanday qilib Suriya terma jamoasi azosiga aylangansiz?

- Mening otam Suriyadan. SHu munosabat bilan yaqin vaqtdan beri Suriya sharafini himoya qilib kelyapman. 

- Abbos Fayzullaev bilan do'stmisiz?

- Ha, CSKAda birga o'ynaymiz. Yo'llarimiz ko'p marta kesishgan. Guruhimizni muhokama qilib, bu bo'yicha suhbat qurgandik. Durang o'ynaganimizdan xursandmiz. Keyingi o'yinlarda O'zbekistonga omad!

Malumot uchun, Sarraf CSKA tarbiyalanuvchisi bo'lib, ushbu jamoada Abbos Fayzullaev bilan birga harakat qiladi. SHuningdek, bu posbon O'zbekiston mezbonlik qilgan U-20 Osiyo Kubogida Suriya darvozasini qo'riqlagan edi.