Superliganing eng kuchli darvozaboni kim?
12 noy 2022 15:15
Yangiliklar

Superliganing eng kuchli darvozaboni kim?

Bu savolga javob topish juda mushkul.

Jamoalarning kuchi turlicha bo'lgani uchun o'tkazilgan gollar nisbati ham, quruq o'yinlar soni ham posbonning asl darajasini ko'rsatmaydi. Masalan, 25-turdan keyingi raqamlarga qarasak, "Navbahor" darvozasiga mavsum davomida 40 marta xavfli zarba borgan. "Dinamo" postiga esa 109ta shunday zarba yo'llangan. Tabiiyki, bunday sharoitda samarqandlik kiperlar ko'proq gol o'tkazadi.

Obektiv xulosaga erishish uchun darvoza tomon berilgan aniq zarbalarning nechtasi bartaraf qilinganiga qarash kerak. Masalan, Botirali Ergashevni olaylik. AGMK posboni 19 o'yinda o'zi tomon yo'llangan 45 zarbaning 34tasini qaytarishga erishdi. Yani, 75,5% vaziyatlarda jamoasining joniga oro kirgan. Bu hozircha Superligadagi eng yaxshi ko'rsatkich bo'lib turibdi.

Bu yil maydonga chiqqanlardan faqat Rustam Nortojiev ("Lokomotiv", 45 daqiqa o'ynadi) bilan Azamat Ahmedov ("Surxon", 90 daqiqa o'ynadi) hisobida birorta ham seyv yo'q.

Endi esa chempionatda 15+ o'yin o'tkazgan darvozabonlarning reytingi bilan tanishamiz (Ushbu ro'yxat "SportSTAT" malumotlari asosida shakllantirilgan).

futbolchi	o'yinlar	zarbalar	qaytarilgan
Botirali Ergashev (AGMK)	19	45	75,5%
Abduvohid Nematov ("Nasaf")	16	27	74%
Sanjar Quvvatov ("Paxtakor")	17	45	71,1%
O'tkir Yusupov ("Navbahor")	25	40	65%
Akbar To'raev ("Neftchi")	16	35	60%
Suhrob Sultonov ("Bunyodkor")	19	57	58,9%
Miloe Prakovich ("Dinamo")	15	60	56,6%
Milan Mitrovich ("So'g'diyona")	24	62	54,8%
Ignatiy Nesterov ("Qizilqum")	20	54	53,7%
Muzaffar Abdullaev ("Qo'qon-1912")	19	46	52,1%
Abdumavlon Abdujalilov ("Loko")	25	64	48,4%
Aleksandr Lobanov ("Metallurg")	18	30	40%