Superliga 8-tur. "Paxtakor" - "Navbahor" 1:0. "Mixed zone"

Qiziqarli kechgan bahsdan so'ng, "Navbahor" jamoasi futbolchilari Aziz Turg'unboev, Zohir Pirimov va Oston O'runov "Paxtakor"dan esa Bahrom Abdurahimov  o'z fikrlarini bildirib o'tdi.

Aziz Turg'unboev

"Paxtakor"ga qarshi yaxshi o'yin ko'rsatdik. Biz Togshkentga 3 ochko olish uchun kelgandik. Raqib jamoa ham kuchli edi. Imkoniyatni qo'ldan boy berdik. Yaratilgan vaziyatlarni golga aylantira olmadik. Jamoadoshlarimga to'p uzatmaslik, bu mening kamchiligim. Ushbu kamchiligimni bartaraf etishga harakat qilaman. "Paxtakor"ga qarshi o'yinda bizga omad etishmadi, deb o'ylayman. Jaloliddin Masharipov va Tiago bezerra yaxshi o'yin ko'rsatdi, deb o'ylayman", - deydi Aziz Turg'unboev

Zohir Pirimov

"Birinchi bo'limda golga tortadigan vaziyatlar bo'ldi, afsuski ulardan foydalana ololmadik. "Paxtakor"ga qaraganda yaxshi o'yin ko'rsatdik. Yaxshi o'ynab turib alamli tarzda mag'lubiyatga uchradik. Agarda o'zimiz yaratgan vaziyatlardan foydalanganimizda, o'yin umuman boshqacha bo'lardi. Ushbu bahsda g'alaba qozonishimiz mumkin edi. Keyingi turda "Neftchi" jamoasiga qarshi bahs olib boramiz. O'z uyimizda g'alaba qozonishimiz kerak. Namanganlik muxhlislar O'zbekistonda birinchi raqamlisi, desam mubolag'a bo'lmaydi. Bizni qo'llab-quvvatlab turishgani uchun ularga katta rahmat aytaman", - deydi Zohir Pirimov

Oston O'runov

"Paxtakor"ga qarshi ajoyib o'y in o'tkazdik. Mag'lub bo'lishimiz kerakmas edi. Raqib jamoaga qaraganda yaxshi o'yin ko'rsatdik. Ushbu bahsda g'alaba qozonishimiz kerak edi. O'z o'yinimni ko'rsatib "Paxtakor"ga nimanidir isbotlamoqchi bo'ldim. Ko'p vaziyatlar yaratdik, ammo, ulardan foydalana ololmadik. Bizga biroz omad etishmadi. Kamida 2:0 hisobida g'alaba qozonishimiz kerak edi. O'z uyimizda mag'lub bo'lmadik. Mag'lub bo'lmaymiz ham. "Neftchi" bilan o'yinda g'alaba qozonish uchun maydonga tushamiz", - deydi Oston O'runov

Bahrom Abdurahimov

"Navbahor"ga qarshi qiyin bo'lgan uchrashuvni o'tkazdik. G'alaba qozonganimizdan xursandman. Biz bor kuchimiz bilan harakat qildik. G'alaba qozonib muxlislarimizni xursand qilganimizdan mamnunman. "Navbahor" darvozasi tomon kuchli zarba berganimda, gol bo'ldi, deb o'yladim. To'p esa darvoza ustuni yonidan o'tib darvozaning tshriga tashqari tomondan tekkan ekan", - deydi Bahrom Abdurahimov.