Sud PSJning 55 million evro miqdoridagi mablag'iga qo'yilgan hibsni olib tashladi. Tergov davom etmoqda

Eslatib o'tamiz, 2024 yil sentyabrda Franciya professional futbol ligasi (LFP) parijliklarni yozda "Real"ga bepul o'tgan hujumchiga ish haqi va bonuslar bo'yicha qarzni to'lashga majbur qilgan edi. Keyinroq Mbappe to'lovlar amalga oshirilmagani uchun LFP intizom qo'mitasiga murojaat qildi, ammo bu murojaat rad etildi, chunki klub Parijdagi sudga LFPga qarshi davo arizasi bilan murojaat qilgan.

Aprel oyida sud qarori bilan PSJning hisoblarida klubning Mbappe oldidagi 55 million evrolik qarzi miqdorida hibs qo'yilgan edi. Parijliklar bu qarorni bekor qilishni talab qildi.

Bugun sud klub tomonini olib, "ehtiyot chorasi" doirasida qo'yilgan pullar hibsini bekor qildi. Ish mehnat nizolari bo'yicha sudda ko'rib chiqilishi davom etadi.