"Stolga qo'lim bilan urdim". Abbos Fayzullaev "Paxtakor"ning asosiy tarkibiga qanday kirgandi?

"Bir kuni "Paxtakor"ning Qibraydagi mashg'ulot o'tkazadigan joyiga borsam Abbos (Fayzullaev – tahr.) yugurib yuribdi. Men yarim soatcha kuzatdim. SHu bolaning harakati juda kuchli. Keyin Piter Xyustrani chaqirdimda, "shu bolani asosiy tarkibga ol" dedim. "Yo'q olmayman, bu kichkina, kattalarni oldida oyoq ostida qolib ketadi", dedi. Abbosni olmayapti! Iltimos qilsam ham yo'q dedi. Oxiri stolni ustiga qo'limni urib, "olasan shuni asosiy tarkibga, men unda nimadir sezyapman", dedim. Keyingi o'yindan Abbosni asosiy tarkibga oldi. Mana qarang, yosh bola asosiy tarkibda o'ynab shunday natijaga erishdi. Bo'lmasa uni chiqishtirmayotgandi", – deydi u.

Jahongir Ortiqxo'jaev Diyor Holmatovda ham iqtidor sezganini aytdi.

"Yana SHaxzod Azmiddinovda sezdim. Uni ham chiqishtirishmayotgandi. Aziz Turg'unboevni chetlashtirib qo'yishgandi", – deya qo'shimcha qiladi tadbirkor.