Sport vazirligi va O'FA rahbariyati Toshkent shahar akademiyasi hamda Krasnogorsk o'quv-sog'lomlashtirish sport bazasi faoliyati bilan tanishdi

Kecha esa Sport vazirligi va O'FA rahbariyati Toshkent shahar akademiyasini ko'zdan kechirdi.




Dilmurod Nabiev va Ravshan Ermatov akademiyada yaratilgan shart-sharoitlar, akademiya binosi, mashg'ulotlar maydoni, kiyim almashtirish xonalari, ovqatlanish tizimi hamda yotoqxona holati kabi masalalar bilan yaqindan tanishishdi.




Akademiya faoliyati o'rganilib, mavjud kamchilik hamda muammolarni bartaraf etish bo'yicha tegishli ko'rsatmalar berildi.



SHuningdek, kunning ikkinchi yarmida Sport vazirligi va O'FA rahbariyati Angren shahri Krasnogorsk qo'rg'onida joylashgan o'quv-sog'lomlashtirish sport bazasini ham borib ko'rdi.




U erdagi shart-sharoit, o'quv mashg'ulotlari o'tkaziladigan binolar holati ko'zdan kechirildi.




Mazkur o'quv-sog'lomlashtirish sport bazasi faoliyatini ham qaytadan samarali tashkil etish, turli yoshdagi terma jamoalarining ushbu bazadan unumli foydalanishini yo'lga qo'yish bo'yicha zarur ko'rsatmalar berildi.