"So'g'diyona" SHoahmedov transferini elon qildi va bir futbolchisi bilan bitimni uzaytirdi

"So'g'diyona" yarim himoyachi Sanjar SHoahmedov bilan bir yillik shartnoma imzoladi. 

Sanjar SHoahmedov 1990 yil 23 sentyabr kuni Toshkent shahrida tavallud topgan.

Futbolchi faoliyati davomida AGMK, "Lokomotiv", "Al Sayliya", "Teranganu", "Qizilqum" jamoalarida to'p tepgan.

SHoahmedov 2022 yil Superligada navoiyliklar tarkibida 26 ta uchrashuvda maydonga tushib, 1 ta gol urdi hamda 5 ta assist qayd etdi.

SHuningdek, klub Daniel Nasriddinov faoliyatini Jizzaxda davom ettirishini malum qildi. 

Tajribali yarim himoyachi 2023 yilgi mavsumda ham mazkur jamoa sharafini himoya qiladi. Endilikda Nasriddinov bilan kelishuv muddati 2023 yilning 1 dekabrigacha amal qiladi.

Malumot o'rnida, Daniel 2022 yilda Coca Cola Superligasi o'tgan mavsumida 10 ta uchrashuvda (459 daqiqa) maydonda harakat qildi.  

OFK Kubogi doirasida 6 ta o'yinda maydonga tushib, 370 daqiqa o'ynadi. O'zbekiston Kubogida esa 2 ta o'yinda qatnashdi.