SHou MYU bilan 4 yillik shartnoma imzoladi

Lyuk SHou uni "Old Trafford" yana 4 yil qolishini kafolatlaydigan yangi bitimga imzo chekdi. Bu uning ajoyib mavsumni o'tkazayotganiga mukofot tariqasida taqdim etildi.

2014 yilda "Sautgempton"dan "qizil iblislar" safiga qo'shilgan futbolchi shundan buyon jami 249 ta o'yin o'tkazdi. Agar u yangi bitimga imzo chekmaganida 2024 yil yozida erkin agentga aylanardi. CHap qanot himoyachisi Erik ten Hag jamoasining asosiy o'yinchilaridan biri bo'lib, yaxshi mavsum o'tkazmoqda. Futbolchining o'zi bu borada fikrlari bilan o'rtoqlashdi:

"To'qqiz yil oldin men ushbu ajoyib klub bilan shartnoma imzolagan edim. Men uni uzaytirganimdan va bu erdam qolishimdan juda xursandman. SHu yillar davomida ham inson, ham futbolchi sifatida katta o'sishga erishdim. Men bunday darajadagi klubda muvaffaqiyat qozonish uchun nimalar kerakligini yaxshi bilaman.

Biz murabbiy va uning shtabbi qo'l ostida hali sayohatimizning boshida turibmiz".