Ratino keyingi mavsum uchun rejasi va yil davomida eng noqulay bo'lgan futbolchi kimligini aytdi

— Bugungi o'yin siz uchun qanday o'tdi?

— O'yin kutilganidek qiyin bo'ldi, ammo bellashuvga yaxshi tayyorgarlik ko'rdik. Ikkinchi bo'limda o'z o'yinimizni namoyish eta oldik, qulay vaziyatlar yaratdik va ijobiy natijaga erishdik.

— Kelasi mavsum sizni boshqa jamoa safida ko'rishimiz mumkinmi?

— Hozircha bilmayman. Mavsum yakunini kutamiz. Shundan so'ng “Dinamo” rahbariyati bilan har ikki tomon uchun eng yaxshi qarorni muhokama qilamiz.

— Mavsum davomida raqib jamoalar tarkibida sizga eng ko'p qiyinchilik tug'dirgan futbolchi kim bo'ldi?

— “Nasaf” futbolchisi Oybek Bozorov. U tezkor va aqlli futbolchi.