SHavkat Saidov: "Bugungi "Neftchi"ni taniy olmadim"

"Ajoyib o'yin guvohi bo'ldik. Ikkinchi goldan so'ng himoyaga etibor qaratdik. Mavsumni omadsiz boshlagandik, hozir esa ketma-ket to'rtinchi o'yinda g'olib chiqdik. Bugun raqibdan ustunlik qildik. Biz mavsum boshida oqsagandik, hozir shunday vaziyat "Neftchi"da bo'layapti deb o'ylayman. Ikkinchi davrada Farg'ona klubi bunday vaziyatdan chiqib ketishiga tilakdoshman.

Zohid Abdullaev uch yoki to'rtta gol urishi mumkin edi. Hujumchimizda deyarli har bir o'yinda kamida ikkita yuz foizli vaziyatlar bo'ladi. So'nggi vaqtlarda o'zini ko'rsatmoqda. Bugunga kelib gollari soni 5taga etdi. Ikkinchi davrada yanada ko'proq gol kutamiz.

Bugungi o'yinda "Neftchi"ni taniy olmay qoldim. Bu jamoa katta tarixga ega bir necha bor chempion bo'lgan. Farg'onadan uncha muncha jamoalar ochko olib keta olmasdi. Vadim Abramovga biroz vaqt kerak. Bunday vaziyatdan olib chiqib ketishiga ishonaman", - deydi SHavkat Saidov. 

"Metallurg" matbuot xizmati